Мәскеу мен Питерде әскерге шақырылғандар әйелдері пикет өткізіп жатыр
МӘСКЕУ. 6 қаңтар. РФ диктаторы Владимир Путиннің арнайы жарлығына қарамастан әскерге шақырылғандардың әйелдері Ресейдің басқыншылық соғысына қарсылық білдіруде жалғастыруда. Бұл туралы The Moscow News ақпарына сүйенген rast.kz хабарлайды.
Бұрнағы күні Ресейдің ең үлкен қалалары – Мәскеу мен Санкт-Петербургте Украинада соғысу үшін әскерге шақырылғандардың әйелдері бұған наразылық білдірген пикет өткізді. Ел байтағында «Путь домой» қозғалысының белсенділері Кремль қабырғасындағы Белгісіз солдаттың зиратына гүл шоқтарын қойды. Осыдан кейін олар қорғаныс министрлігінің, президент әкімшілігі мен жоғарғы соттың жанында жеке-жарым акция ұйымдастырды.
Sota сайтының хабарлауынша, белсенді әйелдер украин жеріндегі оккупациялық соғысқа қатысып жатқан өз күйеулері ғана емес, болашақ әскерге шақырылатындар үшін де қарсылық білдіретіндерін мәлімдеген. Олар бұл басқыншылық соғстың Ресей үшін тек «пайдасыз, мақсатсыз, мағынасыз» екенін ашып айтқан.
Санкт-Петербургтегі осындай қарсылық акциясы Марс алаңында өткен. Олар «Әйелдер өмір үшін күреседі» деген ұранмен Мәңгілік алау алаңына дестелер қойған.
дственницы мобилизованных возложили цветы и ленты с надписью «Женщины за жизнь» к Мұндай акциялар соңғы кездері Мәскеу, Санкт-Петербург, Новосібір, Красноярск, Челябинск қалаларында орын алып жүр.
Осы аралықта Кремль губернаторлардан президент сайлауы алдында негативті көріністерге жол бермеуді, мобилизацияланғандар әйелдерінің қарсылық қозғалыстарын тоқтатуды талап етіп отыр. «Билік ішкі қарсылықты қандай бір күшпен болса да тоқтату керектігін алға тартып отыр. Көндіріңдер, уәде беріңдер, ақы төлеңдер, қорқытыңдар. Бәрін жасаңдар. Тек қандай бір көлемде болса да, тіпті 50 адамның өзі қарсылық ниетімен көшелерге шықпаулары тиіс. Талап осы», – деп атап өтті The Insider басылымының мәнбесі.
