Ұлттық қауіпсіздік комитеті Ақтөбеде діни радикалдар тұтқынға алынғанын баяндады

АҚТӨБЕ. 16 қыркүйек. Ақтөбе қаласында 9 қыркүйекте Ұлттық қауіпсіздік комитетінің қызметкерлері радикалды діндарлардың ошағын тауып, олардың басшыларын тұтқынға алды. Бұл туралы «Адырна» ақпарына сүйенген rast.kz хабарлайды.

Аталмыш операцияға жергілікті полиция қызметкерлері де тартылды.

«Ақтөбе қаласында Ұлттық қауіпсіздік комитеті полицияны жұмылдырумен радикалды діни ұяшықты бейтараптандырып, терроризмді насихаттады деген күдікпен 2 Қазақстанның азаматы ұсталды», – делінген хабарламада.

Нақты айтқанда, терроризмді насихаттады деген күдікпен Қазақстанның 2 азаматы тұтқынға алынды. Олардың тұрғылықты мекенжайларынан экстремистік мағынадағы әдебиеттер мен басқа да айғақты заттар тәркіленді.

Материалдар Қылмыстық кодекстің 256-бабы 2-бөлігі бойынша сотқа дейінгі тергеп-тексеру тізіміне  тіркелді.

Қылмыстық-процессуалдық кодекстің 201-бабы 1-бөлігіне сәйкес өзге ақпаратты жария етуге жатпайды.