USD
МӘСКЕУ. 26 маусым. Ресей құқық қорғау органдары «Вагнер» ЖӘК жетекшісі Евгений Пригожиннің қарулы бүлік ұйымдастыруына қатысты қозғалған қылмыстық істі тексеруді бастап кетті. Бұл туралы ТАСС ақпарына сүйенген rast.kz хабарлайды.
«Мәнбе Пригожинге қатысты істі тексерудің жалғасып жатқанын растады. «Коммерсантъ» газеті хабарлағандай, Ресей федералды қауіпсіздік қызметі тергеу басқармасының тергеушісі осымен айналысып жатыр», – делінген ТАСС-тың дүйсенбі күнгі хабарламасында.
«Пригожинге қатысты қылмыстық іс тоқтатылған жоқ. Тергеп-тексеру жалғасады», – деді агенттіктің әңгімешісі.
Дүйсенбі, 26 маусым күні таңертең «Коммерсантъ» газеті басты фигуранты Пригожин саналатын қарулы бүлікті ұйымдастыру жөніндегі қылмыстық іс тоқтатылған жоқ, оны Ресей федеральды қауіпсіздік қызметі тергеу басқармасының тергеушісі жалғастырады, деп хабарлады.
«Коммерсантъ» басылымының бас прокуратурадағы мәнбесінің айтуынша, қылмыстық іс қозғау жөніндегі қаулы «әзірге алынып тасталған жоқ», өйткені, «бұған дейінгі өткен уақыт басқаша шешім қабылдауға өте аздық етеді».
Кеше Пригожинге қарсы істің жабылуы Кремльмен келісімде қаралған мәселелердің бір бөлігі болатын. Әуелгіде Ресей президенті Владимир Путин «қарулы бүлікке қатысушылардың барлығы жазадан шет қалмайтынын» айтқан. Алайда Путиннің баспасөз хатшысы Дмитрий Песков ЖӘК-нің негізін қалаушы Беларусь президентінің уәжіне құлақ асып, жалдамалылар Мәскеуге жорығын тоқтатқаннан және Дондағы Ростовты босатып шыққанан кейін Пригожинге қарсы қылмыстық істің тоқтатылатынын мәлімдеген болатын. «Пригожиннің Беларуське кете алуына кепіл – Ресей президентінің сөзінің өзі», – деген еді сонда Песков.
Пригожиннің өзі болса, бүліктен кейінгі қорытындыға риза екенін білдірген. «Бүгінгі күн үшін қалыпты нәтиже. Бұл бәрімізді қанаттандырып жіберді», – деді ол америкалық блогер Патрик Ланкастерге.
Осы аралықта мемлекеттік думадағылар Дондағы Ростовта болған ЖӘК жалдамаларының «айып етіп тартатындай ештеңе бүлдірмегендерін» атап өтті. «Олар өз командованиесінің бұйрықтарын орындады. Сондықтан қандай мәселе болуы мүмкін? Оларға қойылатын кінәрат жоқ», – деді қорғаныс жөніндегі төменгі палата комитетінің төрағасы Андрей Картополов.
Алайда оның әріптесі Андрей Гурулев мәселеге бұлайша келуге келіспеді. Оның пікірінше, «вагнерліктер» Ресей авиациясын атып түсіргендері мен қорғаныс министрлігінің солдаттарын өлтіргендері үшін міндетті түрде жауап берулері тиіс. Бұдан бұрын Гурулев «Вагнердің» командирі Пригожин мен қожайыны Уткинді отанын сатқан сатқын санап, оларға атылып өлуге кеңес берген.
Біздің кеше кешке атап өткеніміздей, Евгений Пригожин қазір Мәскеу облысының «Железнедорожный» елді мекенінде орналасқан №35533 әскери бөлім территориясындағы арнайы оқшаулағышта қамауда отыр.
