USD
МӘСКЕУ. 22 мамыр. Ресей Қауіпсіздік қызметі (ФСБ) «Вагнер» ЖӘҰ жетекшісі болған Евгений Пригожиннің қабірін қазуға жақындап қалған сияқты. Бұл туралы «Кремлевская табакерка» ақпарына сүйенген rast.kz хабарлайды.
Аталмыш telegram арна мұның алдында қоғамда қазір осыған байланысты дүрбелең туып жатқанын баяндаған болатын. Мәселенің бәрі жеке әскери ұйым құрылтайшысының қаза тапқаны өтірік дегенге саятын әңгімеден туындады.
«ФСБ және басқа қауіпсіздік қызметкерлері Евгений Пригожиннің тірі болуы мүмкін бе деген сұрақты зерттеп жатыр. Бұл болжамды тексеру үшін олар Евгений Викторовичтің қабірін қазып, сол жерде орналасқан денені эксгумациялай алады. Мұндай әрекеттер жақындаған сияқты», – делінген хабарламада.
Бұдан бұрын «Царград» ресурсы «Капсула» деген шақыру белгісі бар бұрынғы вагнерші туралы аналитикалық материал жариялаған болатын. Онда «Вагнердің» ұстындары Евгений Пригожин мен Дмитрий Уткиннің бір жерде бірге опатқа болып кеткендеріне қатты күмән келтіріледі.
Атап айтқанда, мақалада былай делінген: «Капсула» есімді содыр Уткин мен Пригожиннің темекі шегу үшін бункерден әрдайым бөлек-бөлек шығып тұрғандарына назар аударды. Екеуі бірдей бір мезгілде оққа ұшып кетпеулері үшін. Бұл олардың бір ұшақта бірге қаза тапқандарына сенбестік тууына басты себептердің бірі. Олар ешқашан бір көлікпен жүрмеген. Егер тіпті бір колоннада келе жатса да, ондағы машиналар үнемі орындарын ауыстырып отырған. Бұған қоса, «Капсула» Пригожин мен Уткиннің ұшақта заттардың астында болуы және оларға граната лақтырылуы мүмкін деген нұсқаға сенеді».
«Соңғы уақыттары Пригожиннің тірі екендігі және Ресейдің тұрақтылығына қауіп төндіретіні туралы жаңа мәліметтер пайда болды. Ақпарат әлі тексеріліп, расталған жоқ, сондықтан мен кесіп айта алмаймын. Қазір үлкен тексеріс жүріп жатыр. Біз бәрін эксгумациясыз жасауға тырысамыз, бірақ Пригожиннің қабірін қазып, бәрін анықтау керек деген дауыстар көбейіп келеді. Бәлкім біз мұны көпшілікке жария етпей, астыртын жасармыз. Әзірге білмеймін, мұның қалай боларын. Айқай бәрібір көтеріледі. Егер эксгумация жасау керек болса, қоғам оны қалыпты қабылдайды деп үміттенеміз. Жағдай оңай емес», – деді арнаға ФСБ мәнбесі.
Евгений Пригожиннің денесі Санкт-Петербургтегі Пороховский зиратында жатыр. Оған мемориалдық композиция орнатылған. Мүсінді Ярослав Барков жасаған.
РФ Қауіпсіздік қызметі жақын күндерде Пригожиннің қабірін қазуға кірісуі де ықтимал.
