USD
КИЕВ. 21 мамыр. Украина президенті Володимир Зеленьский қазіргі жағдайда «Вагнер» жалдамалыларының Бахмутты басып алғаны шындыққа жанаспайтынын мәлімдеді. Бұл туралы украин ресрустарына сүйенген rast.kz хабарлайды.
Украина лидері мұны Жапонияның Хиросима қаласында өткен баспасөз мәслихатында қойылған сұраққа жауап беріп тұрғанда баяндады.
«Біз шыдас беріп тұрмыз, жауынгерлеріміздің қаһармандығы мен өзіміздің ақылымыздың арқасында соғысып жатырмыз, – деді Зеленьский. – Біз адамдарымызды өлу үшін қалдырып кетпейміз, біз үшін адамдар деген – қолымызда бар ең басты қазына. Ешқандай түсініспеушілік болмасын. Мен Бахмутта болып жатқанын айқын түсінемін. Біз ненің не үшін жасалып жатқанын жақсы түсінеміз».
«Мен біздің әскерилердің мұндағы тактикалық көзқарастары жайлы айтып бере алмаймын… бірақ біз енді аз ғана уақыттан кейін жеңіп шыққалы тұрғанымызды түсініп тұрмыз, – деді ол одан әрі. – Бүгін Бахмуттағы біздің әскерилер өте маңызды міндеттерді атқарады, тап қай нүктеде екені жөнінде ой бөліспеймін, осының өзі бүгін Бахмутты Ресей Федерациясы басып алмағанын білдіреді».
Украина Қарулы күштері Жаяу әскерлерінің қолбасшысы, генерал-полковник Олександр Сырский украин әскерлерінің Бахмуттың маңында екі қапталдан ілгері қарай жылжуын жалғастырып жатыр.
«Біз қазір Бахмуттың аздаған бөлігіне бақылау жасап тұрсақ та, қорғаныстың мәні өзінің өзектілігін жоғалтқан жоқ. Бұл бізге жағдай өзгерген кезде қалаға кіруге мүмкіндік береді. Ал мұның болатыны сөзсіз. Біз Бахмуттың екі қапталынан ілгері жылжып, тактикалық қоршауға алуға дайырдалып жатырмыз», – деді генерал.
Ресей диверсанты Игорь Гиркин (Стрелков) бүгін Евгений Пригожиннің Бахмутты толық алғандары жөніндегі мәлімдемесін «қырғын қантөгіспен келген жеңіс» деп атады. Оның айтуынша, Ресей әскерлерінің Донбастағы шабуыл операциясы стратегиялық күйреумен аяқталған: украин армиясы бұрынғысынша негізгі бағытты өзінің бақылауында ұстап отыр.
