USD
РЕЙКЬЯВИК. 17 мамыр. Еуропа кеңесінің саммитіне жиналған 46 елдің лидерлері Ресейдің Украинадағы соғыс қылмыстарын тіркеп отыратын жүйе құруға келісті. Бұл туралы Associated Press дерегіне сүйенген rast.kz хабарлайды.
Кеше басталған саммит екі күнге созылды. Форумға қатысушылар жүйені Ресейді қылмыстық жауап тартуға мүмкіндік беретін материалдар жинап отыруға қызмет еткізбек. Ол РФ басқыншыларының соғыс қылмыстары мен қиратушылық фактілерінің бәрін есепке алып отырмақшы.
Рейкьявиктегі кездесуге қатысушылар осыған байланысты құрылатын тиісті екі тізбенің базалық қағидаттарын жасап алады.
Адам құқығы жөніндегі басты еуропалық ұйымның негізгі мақсаты басқыншылық соғыс отын тұтандырғаны және оның әкелген зардаптары үшін Ресейді жауапқа тартуға мүмкіндік беретін заңнамалық және заңдық тетіктерді талдап жасап шығару болмақ.
Еуропадағылар саммитке бақылаушы ретінде қатысқан АҚШ-тан бұл мәселеде қолдау көретіндеріне үміт артып отыр.
Бір реестр Ресейдің Украинаға келтірген шығындарын есепке алып отырады. Екінші реестр соғыс қылмыстарының есебін алады. Мұның бәрі Мәскеуден ақшалай өтемақы талап ету үшін керек болады.
