Пригожин Ресей армиясының Бахмут түбінен «қашып» жатқанын айтты

МӘСКЕУ. 13 мамыр. Ресейдің «Вагнер» жеке әскери компаниясы жалдамалыларының басшысы Евгений Пригожин Мәскеу армиясының ең қиын соғыс учаскесінен қашып бара жатқанын баяндады. Бұл туралы The Moscow News дерегіне сүйенген rast.kz хабарлайды.

Вагнерші РФ әскерлері Украинаның шығысындағы ең ыстық нүкте – Бахмутты тастап бара жатыр деп айыптады.

Пригожиннің мәлімдемесі Ресей қорғаныс министрлігі армияның қолайлырақ қорғаныс позициясын жасап алу үшін дислокация жасап жатқаны жайлы хабарламасынан кейін шықты.

«Мұны қайта орналастыру демейді, бұл – қашу», – деді Пригожин әлеуметтік желіде жарияланған видеоүндеуінде.

Ол жекелеген видеоүндеулерінде Қорғаныс министрінің қаланы тастап, солтүстіктегі позициядан оңтүстікке «қашып бара жатқанын» жария етті.

«Қапталдар сәтсіздікке ұшырайды. Майдан күл-талқан болады», – деді ол.

Оның айтуынша, украин күштері су қоймасы төңірегіндегі жерлер мен Бахмут жанындағы тактикалық төбешікті басып алған.

Осы тұста «Вагнердің» командирі Уткиннің өз адамдарын алып, Бахмуттан кетіп қалғаны белгілі болды.