Жаңалықтар жаңғырығыОқиға

Өзбекстанда өткен түнде тағы жер сілкінісі орын алғаны байқалды

ТАШКЕНТ. 23 наурыз. Өзбекстан тұрғындары тағы да айтарлықтай күші бар жер сілкінісі орын алғанын сезінді. Бұл туралы өзбек пабликтеріне сүйенген rast.kz хабарлайды.

Sputnik.uz сайтының жазуынша, Ташкент қаласының тұрғындары түн ішінде барлық керекті мүкәмалдарын көтеріп, тағы да көшеге шығып кеткен.

Өзбекстан Төтенше жағдайлар министрлігінің мәліметінше, жер асты дүмпуінің орталығы Тәжікстан жерінде болған. Ол Ташкент уақыты бойынша сағат 01:07-де тіркелген.

Сейсоболжам орталығының мамандары зілзала ошағының Ташкенттен 217 шақырым қашықтықта, Тәжікстан территориясында орналасқанын баяндайды.

Сілкініс Өзбекстанның барлық облыстарына да сезілген. Олардың бәрі 4-5 балл шамасында әсер еткен.

Алайда бүлінген, қирап қалған, зардап шеккен құрылыс нысандары болған жоқ.

Тап осындай жер асты дүмпулері Қазақстанның Түркістан және Жамбыл облыстарында да

байқалған.

Бір таңғаларлығы, жер сілкінісінің эпицентрі болып тұрған Тәжікстан жағының бұқаралық ақпарат құралдары тым-тырыс, ештеңе болмаған сияқты  көрініп отыр.

Айтқандай, бұдан екі күн алдын ошағы Ауғанстан болған, 6,6 балл деңгейінде қозғалған жер сілкінісі нәтижесінде бұл ел мен Пәкістан территориясында 10 адам қазаға ұшыраған.

 

Ескерту!  

rast.kz сайтының кез келген материалын редакцияның арнайы рұқсатынсыз көшіріп алып жариялауға тыйым салынады. Плагиат жасаушы «Авторлық құқық туралы» Заңға сәйкес қудаланады.

 

Тағы көрсету

Пікір қалдыру

Ұқсас мақалалар

Back to top button