Ресейлік зейнеткер кемпір ұйықтатпаған ұлын пышақтап өлтірді
ОМБЫ. 7 ақпан. Ресейдің Омбы қаласында тұратын зейнеткер кемпір өзінің ұйықтауына кедергі келтірген 41 жастағы ұлын пышақтап тастады. Бұл туралы Lenta.ru хабарлады.
«Ресейдің Омбысында 41 жастағы ұлын пышақ салып өлтірген 60 жастағы зейнеткер әйел қамауға алынды», – делінген хабарламада.
Ресей Тергеу комитеті өңірлік басқармасының мәліметінше, қаланың Химиктер көшесіндегі бір пәтерден бір кісінің өлі денесі табылған.
Көп ұзамай соның алдында анасы мен баласының үйде бірге отырып арақ ішкені анықталды. Содан кейін әйел жатып ұйықтамақшы болады, бірақ ұлы бұған мүмкіндік бермейді. Сол кезде бұған қатты шамданған зейнеткер кемпір қолына пышақ алып келіп, оны баласына бойлата сұғады. Марқұм соққы алған бойда тіл тартпай кетеді.
Бұл да бір тұрмыс салты шығар…
