Калифорнияда белгісіз біреу оқ жаудырып, 10 адамды өлтіріп кетті

ЛОС-АНДЖЕЛЕС. 22 қаңтар. Сенбі күні түнде АҚШ-тың Калифорния штатында белгісіз біреу бір топ адамға қарай оқ атып, он адамның ажалына себеп болды. Бұл туралы «Америка даусы» радиосы хабарлады.

Қайғылы оқиға Анджелес қаласында орналасқан «Монтерей-Парктегі» бал билері залында орын алған. Белгісіз біреу осы залға кіріп тұрып, онда қытай күнтізбесі бойынша Жаңа жылды тойлап жатқандарға оқ жаудырған. Сол бойда бірден 10 адам жантәсілім еткен. Ал шабуыл жасаушы қаскөй инцидент орнынан қашып, тығылып үлгерген. Ол әзірге қолға түскен жоқ. Мұның мотиві де белгісіз.

Тағы 10 адам ауруханаларға жеткізілген. Олардың ішінде кемінде бір адамның жағдайы өте ауыр.

Атыс сағат 22:00-ден кейін болған.