USD
АСТАНА. 17 қаңтар. Ресейдегі мобилизациядан қашқандардың ең көп келетін мекені болып қалған Қазақстан олардың елде болу шарттарын шұғыл күшейтіп жіберді. Бұл туралы The Moscow News хабарлады.
Қазақстан Үкіметі 31 желтоқсанда елде болу мен кетуді айғақтайтын визаран тәртібін өзгертетін қаулы қабылдады. Бұған дейін ресейліктер Қазақстанға өздерінің ұлттық паспорттарымен немесе шетелдік паспорттарымен келіп, ешқандай құжат толтырмай-ақ 30 күн бола алатын, сосын тұрған жерінде тіркеліп, визаны тағы 60 күнге создыра беретін. Сөйтіп, 90 күн беймалал жүретін. Содан кейін елден бір шығып кетіп, артынша қайта оралып, тағы үш айға қалуға мүмкіндік алатын.
Қазақстанда ұзағырақ тұрғысы келетіндер үшін екі түрлі мүмкіндік берілген: оның бірі – виза алу (әдетте бір жылға, содан кейін тағы созылады), екіншісі – тұруға ықтиярхат алу. Бірақ қазір қазақ билігі тап осы жерде ресейлік мұғажырлар үшін қолайсыз тосынсый жасап отыр. Бұл Қазақстан ішкі істер министрінің 6 қаңтардағы бұйрығы негізінде жасалды. Енді ресейліктердің ықтиярхат алуы үшін олардың шетелдік паспорты болуы керек. Министрлік сондай-ақ министрлік ресейліктерден соттылығы туралы мөр басылған, қағаз нұсқасындағы анықтама талап етуді ұсынып отыр. Бұған дейін көші-қон қызметі үшін мұндай анықтаманың электронды версия жеткілікті болатын. Бірақ әзірге министрдің бұйрығы шыққан жоқ.
Қазақстан Ішкі істер министрлігінің мәліметі бойынша, 2022 жылы Қазақстанға 2,9 млн Ресей азаматы келген, олардың 146 мыңы жергілікті ЖСН алған, ал 36 мыңы бұған қоса уақытша ықтиярхатқа қол жеткізген.
Ресейдің ішкі паспортымен келгендер Қырғызстанда тіркеусіз 30 күн және тұрған жеріне тіркелгеннен кейін 6 ай мерзім тұра алады. Арменияда тұру мерзімі – 180 күн. Ал Беларусьте Ресейдің ішкі паспортымен 90 күн тұруға рұқсат етілген.
Ресейден келгендер шетел паспортын Ресей консульдіктерінде барып ала алады. Қазақстанда ондай консульдіктер Алматы, Астана және Өскемен қалаларында бар.
