ФИФА әлем чемпионатында манипуляция болмағанын мәлімдеді
ЖЕНЕВА. 24 желтоқсан. Халықаралық футбол федерациясы (ФИФА) әлем чемпионаты матчтарында ешқандай манипуляция орын алмағанын ресми түрде жария етті. Бұл туралы lenta.ru хабарлады.
Федерация мәлімдемені өзінің сайтына орналастырды. Онда тазалық мәселелері жөніндегі жұмыс тобы мөлшерлемелер нарқының қорлары мониторингі туралы есептерге талдау жасалғаны, сондай-ақ күдікті мінез-құлық пәні негізіндегі жарыстың өту орнын зерттеу жүргізілгені айтылған. Сонда барлық 64 ойынның бірде-бірінен манипуляция күдігін шақыратындай инцидент анықталмаған.
2022 жылы Катарда өткен чемпионатта Францияны матчтан кейінгі пенальтилер сериясы бойынша ұтқан Аргентина құрамасы чемпион атанды. Мундиалдың үздік футболшысы атағын аргентиналықтардың капитаны Лионель Месси алды. Турнирдің үздік мергені атағына 8 гол соққан француз Килиан Мбаппе қол жеткізді.
Жасыратыны жоқ, бұл шуды көтеріп жүрген франциялық жанкүйерлер болатын. Олар осыған байланысты тіпті петиция жинап та жанталасып көрді. Алайда көзі барлардың бәрі кездесудің өне бойында Латын Америкасы командасының басым болғанын анық байқады. Ойынның 80-ші минутында кездейсоқ орын алып қалған пенальтиден бір доптың қарымын қайтармағанда, француздар негізгі уақытта-ақ жеңіліп қалатын еді. Мұның соңын ала Мбаппе таразы басын теңестіріп кетті. Осылайша ойын 2:2 есебімен аяқталды. Ал овер-таймда қарсыластар бір-бір голдан соқты. Онда да ұтылып тұрған француздар есепті пенальтиден теңестірді. Сөйтіп, жалпы жиынтық 3:3 болды. Соңындағы онбірметрліктер сериясында болашақ чемпиондар 4:1 есебімен басым түсті.
Бәрі заңды!
