USD
КИЕВ. 17 қараша. Украина Қауіпсіздік қызметі Донецк облысында жалған референдум өткізу идеясының бастамашылары болғандардың аты-жөндерін анықтады. Бұл туралы «Украинская правда» хабарлады.
«Украина Қауіпсіздік қызметі Донецк облысында өңірді Ресейге қосу жөнінде жедел жалған референдум өткізіп, оның «қорытындысы» бойынша оккупациялық билікке «шұғыл үндеу» деп аталатын шақыру жолдағандарды толық тізімге алды», – делінген хабарламада.
Украина Қауіпсіздік қызметінің тергеушілері жүйелі жұмыстардың нәтижесінде «ДХР қоғамдық палатасы» агрессорын құрған 12 өкілдің аты-жөнін анықтады. Бұл оккупациялық орган Кремльдің басып алынған Донецк облысының аудандарыда заңсыз плебисцит дайындау мен өткізу жөніндегі түйінді міндеттерін орындайды.
Қауіпсіздік қызметінің ақпарына сәйкес, бұл фейк ұйымға жергілікті әкімшіліктің шенеунік коллаборанттары мен коммерсанттар кірген, олар РФ бюджетіне жұмыс жасауға өз еріктерімен келіскен.
Кезінде тап солар лаңкестердің басшысы Денис Пушилинге «шұғыл үндеу» жолдап, өңірді кейін РФ құрамына қосу ниетімен тез арада Украина құрамынан шығаруды талап еткен.
Коллаборанттар «хатты» дайындар алдында жергілікті тұрғындар арасында Ресей оккупанттарына қолдау көрсетудің жаппай үгіт науқанын жүргізуді ұйымдастырған. «Шараларға» Кремльдің насихатшылары мен жау ақпарат ресурстары белсене қатысқан.
Бастамашыл топтағы 12 сатқын мыналар:
Тергеушілер барлық фигуранттарға Украина Қылмыстық істер кодексінің 110-бабының 2-тармағы (Украинаның территориялық тұтастығы мен тиіспеушілігіне қол сұғу) және 111-1-бабының 5-тармағы коллаборанттық әрекет) бойынша күдік келтіріліп отырғанын баяндады. Енді оларға іздеу жариялау мәселесі шешілгелі жатыр.
Қауіпсіздік қызметі тұтастай алғанда, Донецк облысындағы заңсыз «референдумды» ұйцымдастырушылар ретінде 70-ке жуық адамға күдік келтіріліп, әшкереленіп отырғанын атап өтті.
