Мелитопольде ресейлік «мобиктер» мас болып, бір-бірімен атысты

КИЕВ. 15 қараша. Ресей армиясына мобилизация жолымен алынған солдаттар Донецк облысының Мелитополь қаласындағы кафеде мас болып қалып, бір-біріне оқ атты. Бұл туралы «Донпресс» хабарлады.

Қару қолдану арқылы өзара есеп айырысу шайқасына 12 оккупант қатысқан.

«Уақытша басып алынған Мелитопольде 11 қараша күні РФ Қарулы күштерінің әскери қызметкерлері кафеде араққа тойып алып, бір-бірімен атысқан. Олардың арасында капитан, лейтенант, екі кіші сержант, ефрейтор және жеті қатардағы жауынгер болған», – делінген хабарламада.

Барлық 12 адам түгел ұсталды. Оны ресейлік ақпарат мәнбелері хабарлап жатыр. Жергілікті украин Telegram-каналдары да бұл тақырыпты айналып өткен жоқ, олар атыс дауыстарын естегіндерін және сол жерге «әскери милицияның» келгенін көргендерін жазды.

Инцидент кешке «Джокер» деген ішімдік ішетін орында орын алған. Кафеде арақты суша сімірген басқыншылар арасында жанжал туып кеткен.

Басында мас оккупанттар бір-бірімен сөзбен салғыласқан, сосын «мобиктердің» бірі оқ атқан. Бұған артынан басқалар да қосылған. Нәтижесінде бір әскери қызметкер жарақат алып қалған. Оның иығына оқ тиген.

Келген «әскери милиция» қызметкерлері жанжалға қатысушылардың қолдарын аттарына қайырып байлап алып, уақытща ұстау орындарына жеткізген.

Ұрыс-керістің нақты себептері айтылып отырған жоқ.