Шамасы, Қытайда мемлекеттік төңкеріс орын алған сияқты
БЕЙЖІҢ. 24 қыркүйек. ҚХР-дағы әлеуметтік желілердің хабарлаулары бойынша, Қытай билеушісі Си Цзиньпин үйқамаққа алынған көрінеді. Бұл туралы «Ридус» интернет-газеті хабарлады.
Интернет басылымның дерегінше, мұның өзі Қытай Коммунистік партиясының жоғарғы басшылығы оны Қытай халық азат етуші армиясының (ҚХАА) бас қолбасшысы лауазымынан шеттеткеннен кейін мүмкін болған.
Қытайдың интернет пайдаланушылары қазір Бейжің қаласының әскерилердің бақылауында тұрғанын растап отыр. Қытайдың News HighlandVision подкастының жазуынша, ҚХР-дың бұрынғы лидері Ху Цзиньтао мен бұрынғы премьер-министр Вэнь Цзибао Тұрақты комитеттің бұрынғы мүшесі Сун Пинді қазіргі лидер Сиді қызметтен шеттетуге көндірген секілді.
Басқа хабарламалар бойынша, 22 қыркүйекте Бейжіңге ҚХАА әскерлері әкелініп, Шанхай ынтымақтастық ұйымының (ШЫҰ) Самарқандта өткен жиынынан келген Сиді аэропортта тұтқынға алғанға ұқсайды.
Си 21 қыркүйекте Бейжіңде өткен ұлттық қорғаныс және әскери реформа жөніндегі семинарға қатыспаған, ол содан кейін ШЫҰ-дан асығыс елге оралған. Оның отырысқа қатыспауын тек екі нәрсемен ғана түсіндіруге болады: не денсаулық жағдайы мүмкіндік бермей қалса, не ҚХАА Әскери комиссиясында басшылық қызметінен айырылып қалса.
Сидің Өзбекстанға кеткені пайдаланылып, онсыз өткізілген семинарда ҚХАА қолбасшысы Лю Чжэньлимен сахна түбіндегі бірінші қатарда, топтың ортасында отырған Ли Цяомин төрағалық еткен.
Қазіргі кезде Бейжің әуежайындағы барлық рейстер тоқтатылған. Алайда, әлемнің жетекші агенттіктерінде болуы ықтимал төңкеріс жайлы ешқандай ақпарат жоқ.
Қытай жөніндегі мамандарда да әзірге болған жағдаят жөнінде нақты ақпарат айтылмай жатыр. Ресейді, Еуропаны және Азияны зерттеу жөніндегі орталық (CREAS) Chicago Council директоры Тереза Фэллон Twitter-ге: «Интернетте Қытайда әскери төңкеріс орын алғаны және Қытай Компартиясының ақсақалдары ҚХАА басшысы лауазымынан шеттеткеннен кейін Си Цзиньпиннің үйқамаққа алынғаны жайлы қауесет тарап жатыр. Қытайға келетін ұшақтар жаппай тоқтатылып тұр – бұл жай әскери жиын ба немесе осыған ұқсас тағы не?» деп жазды.
Қытайдың зерттеуші журналисі Дженифер Цзен бұған жауап ретінде әскери колонналар түсірілген видеоны жариялап, оның соңына былай деп жазды: «#PLA әскери техникасы Бейжіңге 22 қыркүйекте бағыт түзеді. Колонна – Бейжіңге жақын жердегі Хуанлай округінен Хэбэй провинциясындағы Чжанцзякоу қаласына дейінгі 80 шақырым қашықтықты алып жатты. Сонымен бірге, #CCP ақсақалдары ҚХАА басшысы орынтағынан алып тастағаннан кейін #XiJinping-нің қамауға алынғаны туралы қауесет тарай бастады».
Журналист өзінің YouTube-каналында бірнеше жоғары лауазымды шенеунік қамауға алынғаннан кейін қоғамдық қауіпсіздік министрі басшылары біріне КПК-ның түйінді съезіне аз уақыт қалған кезде үкім шығарылғаны туралы қауесет бар екенін хабарлады.
Қытай қорғаныс министрінің орынбасары Сунь Лицзюань «партияның бірлігіне елеулі залал келтіргені» үшін жұма күні өмірлік түрмеде отыру жазасына кесілді. Сот шенеунік жасаған қылмыстар тізімінде 646 миллион юань (91 млн доллар) көлемінде пара алғаны, қор нарығындағы айла-шарғылары және екі отты қаруды заңсыз иемденіп кеткені де бар екенін мәлімдеді.
