Путиннің ең жақын көмекшісі Донбаста оққа ұша жаздады

ЛОНДОН. 28 тамыз. РФ президенті Владимир Путиннің ең жақын көмекшілерінің бірі Сергей Кириенко Донбаста сөлкебай таратам деп жүріп, ажал құшып кетудің сәл алдында қалды. Бұл туралы Dayli Mirror хабарлады.

«Айуан өзін өзі жариялаған Донецк Халық Республикасы [ДХР] дегеннің сепаратистік әскери бөлімі «Сомали» батальонының жауынгерлеріне марапат таратып тұрған жерінде бункерге барып тығылып, аман қалды», – деп жазды басылым.

Владимир Путиннің екінші ең жақын көмекшісі екі күн бойы украин әскерлерінің жаппай атқылауынан бас сауғалап қашып жүрді

«Сергей Кириенко – Ресейдің бұрынғы премьер-министрі, ал қазір Кремль әкімшілігі басшысының орынбасары және Ресей президенті Владимир Путиннің ең жақын досы». – делінген хабарламада.

Атыс 60 жастағы Кириенко мен ДХР-дың 41 жастағы лидері Денис Пушилин бункерге жетіп, тығылғанша болып тұрды.

Өткен аптада Кириенко Херсон облысының Новая Каховка ауданына барып қайтты.