Таразды улап жатқан зауыт Нығматуллиндердікі болып шықты

ТАРАЗ. 12 шілде. Тараз қаласын неше күннен бері улап тұрған атақты фосфор өндіретін зауыт Нығматуллиндердің меншігіндегі мүлік екен. Бұл туралы ҚазТАГ хабарлады.

Жамбыл облысындағы «Казфосфат» зауытының ауаны ластағанынан кейін ондағы фтор сутегісі мөлшерінің үш есе көбейіп кеткені анықталды.

Қазақстан экология, геология және табиғи ресурстар министрлігінің баспасөз қызметі хабарлағандай, 11 шілдеде сағат 20: 00-де «Қазфосфат» минералды тыңайтқыштар ЖШС ЖФ күкірт қышқылы цехында апатты ахуал орын алған: абсорбердің моногидратты сорғысы істен шыққан. Нәтижесінде ауаға заматында көп мөлшерде газ (күкірт триоксиді) тараған.

«Болған апат туралы жедел ақпарат алған Жамбыл облысы бойынша экология департаментінің басшылығы мен зертханалық талдау бөлімінің басшысы Тараз қаласының прокуратурасымен бірлесіп, сағат 21:20-да Сүлейманов көшесіндегі зауыттың санитарлық-қорғау аймағын өлшеп, фторлы сутегінің едәуір артқаны анықталған (хаттамалардың нәтижесі қоса беріледі). Аммиак, күкіртсутек және көміртегі оксиді бойынша асып кету фактісі анықталған жоқ», – делінген хабарламада.

Сондай-ақ сағат 22: 05-те Шайқорық кентінің маңындағы зауыттың СҚА-да ұқсас ластаушы заттарға өлшеу жүргізіген, онда ластаушы заттардың артуы аңғарыла қоймаған. .

Қазіргі таңда, департамент және Қазгидромент мамандары бірлесіп атмосфералық ауаның жай-күйімен сапасына мониторинг жүргізуде.

Осы оқиғаға байланысты облыс әкімінің тапсырмасы бойынша экология департаментінің өкілдері құрамына кіретін жұмыс тобы құрылды.

Атап өтуіміз керек, бұл «Казфосфатқа» қатысты туындап отырған бірінші жанжал емес. Осылайша, биылғы жылғы 5 сәуірде антимонополистер «Казфосфат» ЖШС-ында ауыл шаруашылығына ең қажетті тыңайтқыштардың бірі – аммофостың бағасы айтарлықтай және негізсіз көтерілуіне байланысты тексеріс басталғанын хабарлаған еді.

Осыдан кейән ҚазТАГ-тың редакциясы бағаның қымбаттауынан мол пайда табатындардың Мәжілістің экс-спикер Нұрлан Нығматуллиннің ұлдары – Нұрхан және Нұржан Нұрлановтап екендерін анықтады. Аталмыш тексеріс бойынша қылмыстық іс қозғалды.

7 маусым күні «Казфосфатта» кісі өлімі орын алды. Ол бойынша қылмыстық іс қозғалды. 2 шілде күні мұнда екі бірдей жұмысшы қаза тапты.

Ал бүгін Facebook әлеуметтік желісінде ағайынды Нығматуллиндердің қамауға алынғандары жайында қауесет тарап жатыр.