Кременчугті бомбылау – Еуропа тарихындағы ең ірі террорлық акт
КИЕВ. 28 маусым. Полтава облысындағы Кремунчуг қаласының бейбіт тұрғындарын бомбылау Еуропа тарихындағы ең ірі террорлық акті болып отыр. Бұл туралы УНИАН хабарлады.
Ресей бомбардировщиктері қаланың үлкен сауда орталығын бомбылаған. Соның салдарынан әзірге 18 бейбіт тұрғынның қаза тапқаны белгілі болды. Тағы ондаған адам түрлі жарақаттармен ауруханаларға түсті. Үйіндінің астынан әлі де адамдар алынып жатыр.
Бұқаралық ақпарат құралдары Кременчуг сауда-ойын сауық орталығына ракета тастаған ресейлік әскерилердің кімдер екенін анықтады. Олар 52-ші гвардиялық ауыр бомбардировкалық авиация полкында қызмет ететін Ту-22м3 стратегиялық бомбардировщиктері болып шықты. Бұл – Калуга облысындағы Шайково кентінде орналасқан 33310-шы әскери бөлім. Зерттеуді жүргізген InformNapalm ақпараттандыру және зерттеу орталығы сауда-ойын сауық орталығын тап осы Ту-22м3 ұшағының Х-22 ракетасымен атқылағанын алға тартады. Полкты полковник Олег Тимошин басқарады. Оның осы қылмысқа тікелей қатысы бар. Ал 33310 әскери бөлімнің авиациялық жасағының командирі майор Алексей Иваненко екен.
Украина Президенті Владимир Зеленский мұны Еуропа тарихындағы ең бір өрескел террорлық актілердің бірі деп мәлімдеді.
