USD
БЕРЛИН. 24 маусым. Американың Pew Research Center ұйымы жүргізген сауалдама Владимир Путиннің әлемдегі лидерлер арасындағы ең беделі төмен мемлекет басшысы екенін көрсетті. Бұл туралы немістің Deutsche Welle газеті жазды.
Ұзын саны 18 елдің респонденттері қатысқан сауалдамада АҚШ президенті Джо Байденнің қазіргі таңда жүргізіп отырған әлемдік саясаты бұрынғысынша бәрінен жоғары саналған. Ал жер шарындағы ірі державалар басшылары арасындағы ең танымал емесі, сүйкімсізі РФ президенті Владимир Путин болып шыққан.
«Ресей президенті Владимир Путин әлемдегі 2022 жылғы ең танымал емес, яғни беделсіз саясаткер болып аталды. Америкалық Pew Research Center ұйымының сәрсенбі, 22 маусым күні жарияланған социологиялық зерттеулері нәтижелері сұрау салынған 18 елдің 9-ының ғана оны танымал деп есептейтінін көрсетті. Ал сөйлеушілердің 90 пайызы оның жүргізіп отырған саясатын қатты айыптады. Бұл – соңғы 20 жылдың көлеміндегі бірінші ең төменгі көрсеткіш», – деп атап өтті DW.com.
«Жалпы, Путиннің рейтингісі осы 20 жылдың ішінде ұдайы осыншалықты төмен болған жоқ. Лекін, оның соңғы жылдары тұрақты түрде ұдайы тек төмен түсіп келгені тағы жасырын емес», – деп түсіндірмен жасады Pew Research Center.
Германияның өзінде респонденттердің 14 пайызы оның әрекетін бұрынғысынша қолдайды. Ал неміс жастары арасындағы көрсеткіші бұдан да жоғары – 22 пайыз. Шамасы, фашизмді көрген елдің ұландары сол кезді де бір еске түсіріп қоятын шығар.
Еуропа жұртының Путинге деген қарым-қатынасы оның саяси көзқарастарымен тікелей байланысты, деп тұжырымдайды зерттеушілер. Өз елдерінде оңшыл популистік партияларды көбірек қолдайтын жамағаттардың біраз бөлігі Путиннің қазір жүргізіп жатқан әрекеттерінің дұрыстығына сенім білдіреді. Мысалы, «Грек шешімі» партиясының тірлігіне оң көзбен қарайтын гректер арасында РФ президенті саясатына қолдау білдірушілер 55 пайызға жетіп отыр.
«Тап осындай заңдылықты оңшыл популистік партиялардың жақтаушылары көптеу Германия, Ұлыбритания, Франция және Швеция елдерінен байқауға болады», – деп жазады басылым.
Алайда, тұтастай алғанда, Ресейге қырыс қарайтындар қатары айтарлықтай көбейе бастаған. Атап айтқанда, 18 елдегі респонденттердің 85 пайызы бұл елге негативті көзқараста екендерін жеткізген. Бұлардың да басым бөлігі «өте негативті» деген тармақты көбірек белгілеген. Мұндай тенденция Италия, Грекия және Польша елдерінде бәрінен көп. Бұл елдерде соңғы сауалдама жүргізілген уақыттан бері төмен құлдырау 30 пайызға дейін өскен. Германияда сұрау салынғандардың 16 пайызы Ресейге әлі де жақсы қарайды.
