ӘлеуметЖаңалықтар жаңғырығы

Түркістан облысында өзбектер қазақтарға қарсы шу көтерді

ТҮРКІСТАН. 19 мамыр. Түркістан облысында жергілікті өзбек диаспорасы мен қазақтар арасында жер дауы бұрқ ете қалды. Бұл туралы «Алтын орда» хабарлады.

«Түркістанда жер дауы ушығып тұр. Бірақ бұл жолы шыққан даудан ұлтараздық алауыздықтың элементтері байқалады», – деп жазды портал Skifnews.kz-ке сілтеме жасап.

Телеграм-арналардың бірінде Түркістандағы өзбектердің «көршілес ауыл малдарын өз ауыл маңына жолатпаймыз, қазақтарды кіргізбейміз деп шуылдасып» жатқан видеосы тарады Ішінде бір өзбек қазақтарға қарата тіл тигізіп, қатты сөйлеп жатқаны байқалады.

«Видеоны жолдаған Ердәулет есімді оқырманымыздың айтуынша, оқиға Төлеби ауданының Ханарық елді мекенінде болған. Өзбектерді полиция қоршап тұр деген ақпарат бар. Осы уақытта өзбектер тарапы қазақтардан кешірім сұраған деген дерек те жетті», –делінген «Адырна.кз» телеграм-арнасы таратқан ақпаратта.

Соңынан қазақтарға қарата ғайбат сөз айтты деген өзбек кісінің кешірім сұрап жатқан видеожазбасы да тарап үлгерді.

Бұған әлеуметтік желідегілер өте қатқыл жауаптар қайтарып жатыр. Олар бұлай «кешірім сұрап», қоя салумен шектелуге болмайтынын, халыққа тіл тигізген бейәдеп адамның заң жүзінде жауап беруін талап етуде.

Тағы көрсету

Пікір қалдыру

Ұқсас мақалалар

Back to top button