Украина әскерлері Запорожьеде 5 елді мекенді жаудан тазартты

КИЕВ. 31 наурыз. Украинаның Запорожье облысында десант-штурм әскерлері 5 елді мекенді басқыншы жаудың шеңгелінен босатты. Бұл туралы «Украинская правда» хабарлады.

Операцияға Қарулы күштердің басқа да бөлімшелері қатысты.

Ресей оккупанттары басып алған қалалар мен селоларды тазарту шайқастары жалғасып жатыр.

«Запорожье өлкесінің десантшы-жауынгерлері Қорғаныс күштерінің басқа да бөлімшелерімен бірге Затишье, Малиновка, Веселое, Зеленая Роща және Красное елді мекендерін босатты», – делінген хабарламада.

Хабарлама Ресей басқыншыларының қиратылған техникалары суреттерімен бірге жарияланған.