USD
АСТАНА. 19 ақпан. Қазақстан Парламенті Мәжілісінің бұрынғы төрағасы Нұрлан Нығматулин қазір туыстарымен бірге Лондонда жүр. Бұл туралы Haqnazar Arnasy телеграм-арнасына сілтеме жасаған «Экспресс К» хабарлады.
Алдымен әлеуметтік желіде Нұрлан Нығматулиннің Лондонға туыстарын алып ұшып кеткені туралы қауесет тарады.
«Нығматулиндер отбасына тиесілі барлық нысандар мен бизнестер сатылымға шығарылды», – деп жазды аталмыш telegram арнасы.
Нұрлан Нығматулин бұған дейін Астана әкімінің орынбасары, Көлік және коммуникация вице-министрі, Президент әкімішілігінің басшысы, Қарағанды облысының әкімі, «Нұр Отан» партиясы төрағасының бірінші орынбасары, Президент әкімшілігінің басшысы, Мәжіліс төрағасы секілді лауазымды қызметтер атқарды. Ол Мәжілістің үш шақырылымында төраға болып, осы қызметте 10 жыл бойы жүрді.
Нұрлан Нығматулиннің сыңары Ерлан Нығматулин 18 жыл депутат болған. 1999-2011 жылдары Мәжіліс депутаттығына сайланса, 2012-2017 жылдары Президент жарлығымен Сенат депутаттығына тағайындалды.
