Жаңалықтар жаңғырығыТіршілік

Саудия билігі жас шиитке кесілген өлім жазасын орындады

ЭР-РИЯД. 16 маусым. Сауд Арабиясының билігі үкіметке қарсы көтеріліске қатысқан жас шиитке кесілген өлім жазасын жүзеге асырды. Бұл туралы AP хабарлады.

«Ассошейд Пресс» агенттігінің хабарлауынша, 26 жастағы Мустафа бин Хашим бин Иса әл-Дәрвиш кәмелетке толмаған кезінде жасаған әрекеті үшін неге жазаланатыны түсініксіз болып отыр. Ол 2015 жылы шамамен 2011-212 жылдар аралығында орын алған тәртіпсіздіктерге қатысқаны үшін ұсталған көрінеді. Ресми мәлімет бойынша, топалаңға қатысқан кезінде ұланның жасы әлі 17-ге де толмаған.

Алайда, үкімет оның жасы 19-дан асып кеткеннен кейін жасаған нақты қылмысы үшін жаза тартып отырғанын алға тартады. Соған қарамастан, оның қандай қылмыс екені ашып айтылмайды.

Ішкі істер министрлігінің мәлімдемесінде жас жігіттің қылмыстары толық мойнына қойылғаннан кейін өлімге кесілгені баяндалады. Ол террорлық ұйымдар құру, полицейлерді өлтіруге әрекет жасау және өлтіру секілді тармақтардан тұрады.

Жаза тұтқынның басын шауып түсіру жолымен орындалды.

 

Тағы көрсету

Пікір қалдыру

Ұқсас мақалалар

Back to top button