Ресейде белгісіз біреулер өзбек мигрантты өртеді
САНКТ-ПЕТЕРБУРГ. 7 маусым. Ресейдің Ленинград облысында белгісіз біреулер 42 жастағы мигранттың үстіне бензин құйып, өртеп жіберген. Бұл туралы «Фонтанка» хабарлады.
Басылым ақпарына қарағанда, зәбір көруші адам Орталық Азия елдерінен келген гастербайтер көрінеді. Қазіргі сәтте ол өте ауыр халде ауруханада жатыр.
«Ер кісі Пушкин ауданындағы Ольховка кентінде орналасқан «Рехколово» бақ шаруашылығынан көлікпен жеткізілген», – деді агенттік тілшісіне осы хабарды жеткізуші.
Оның айтуынша, қатыгез оқиға Пушкин қаласының Александровское кентіндегі үйлердің бірінде орын алған. Қазір осыған байланысты қылмыстық іс қозғау туралы мәселе көтеріліп жатыр.
«Фонтанка» зардап шегушінің құрылыста жұмысшы болып істеп келгенін атап көрсетеді. Басылым сондай-ақ ер кісінің Өзбекстан азаматы екенін баяндайды. Оның қатты күйіп қалғанынан бөлек, мойнында пышақ ізінен жарақаты болған, құлағының бір шеті жұлынып қалған.
