Тоқаев жерді шетелдіктерге сату мен жалға беруге тыйым салды
АСТАНА. 13 мамыр. Қазақстан президенті Қасым-Жомарт Тоқаев жер телімін шетелдіктерге сатуға және жалға беруге тыйым салатын заңға қол қойды. Бұл туралы zakon.kz хабарлады.
«Мемлекет басшысы Қасым-Жомарт Тоқаев «Қазақстан Республикасының кейбір заңнамалық актілеріне жер қатынастары мәселелері ьойынша өзгерістер мен ьолықтырулар енгізу туралы» Заңға қол қойды», – делінген хабарламада.
Заң шетелдіктерге және шетелдік компанияларға, шетелдік үлесі бар қазақстандық компанияларға, азаматтығы жоқ адамдарға, халықаралық ұйымдардың қатысуындағы ғылыми-зерттеу орталықтарына, сондай-ақ қандастарға ауылшаруашылық жерлерін беруге толық тыйым салуды көздейді.
Құжатта сондай-ақ шетелдіктер мен шетелдік үлесі бар қазақстандық компаниялардың бұрын жалға алған ауылшаруашылық жерлерінің мерзімдерін ұзартуға болмайтыны және оларды пайдалану мерзімі аяқталғанға дейін ғана иелік ететіні туралы айтылған.
