USD
БЕЙЖІҢ. 5 мамыр. Қытайда тұратын бір адам ұлын сатты да, соның ақшасына шетелге демалуға кетті. Бұл туралы «South China Morning Star» газеті хабарлады.
«Қытай тұратын Се текті бір кісі өзінің екі жасар ұлын сатып, шетелге саяхатқа аттанды», – делінген мәтінде.
Басылымның баянынша, бірінші әйелінен ажырасқаннан кейін кішкентай ұлын өзінің бағымында алып қалған ер кісі кейінгі әйелімен жиі ұрсыса беретін болған. Сондықтан пәтуасыз еркек баладан біржола құтылып, құлағын тыншытуды ойлаған. Ол тірі жетім қалған ұлын балалары жоқ ерлі-зайыптыларға 158 мың юаньға (24 400 доллар) сатып, келіншегімен бірге шетелге саяхат жасауға аттанып кеткен.
Осыдан кейін Се сумақайдың туған-туыстары полицияға хабар беріп, оның үстінен қылмыстық іс қозғатқан. Қылмыскер ұзамай қолға түсіп, елге жеткізілген.
