USD
МӘСКЕУ. 3 қазан. Украина Қарулы күштерінің Курск облысына шабуылы барысында Ресей армиясына жаңа шақырылған 60 солдат жер жастанды. Бұл туралы DW ақпарына сүйенген rast.kz хабарлайды.
«Важные истории» ресурсының хабарлауынша, Украинаның 2025 жылдың тамызында Курск облысына қауырт шабуылы басталғаннан кейінгі алғашқы аптада ондаған ресейлік әскери қызметші қаза тапқан.
Пабликтің бағалауы бойынша, 2025 жылдың жазы мен күзіндегі Украинаның Курск облысына шабуылы кезінде кем дегенде 60 ресейлік әскерге шақырылған адам қаза тапты. Олардың жартысына жуығы 6 тамызда шабуылдың алғашқы жеті күнінде оққа ұшқан.
Нақтырақ айтсақ, 13 және 14 тамызда Украина қарулы күштерінің Ресей қолбасшылығы орналасқан Украина шекарасынан 3,5 шақырым жердегі Веселое селосының мектебіне жасаған шабуылы салдарынан жеті адам ажал құшқан. Курск облысындағы ұрыстарға қатысқан әскерге шақырылғандар туралы хабарламалар Украинаның шабуылы басталғаннан кейінгі алғашқы күндерде пайда болды, бірақ Ресей Қорғаныс министрлігі оларды аймақтан шығармады.
Қыркүйек айында тағы 20 әскерге шақырылған азамат өлтірілді, деп хабарлайды бұдан әрі басылым. Қаза тапқандар арасында Ресейдің 34 аймағынан, оның ішінде Краснодар мен Краснояр өлкелерінен бес, Алтай өлкелерінен төрт, Ямало-Ненецк автономиялық округі, Коми, Бурятия және Дағыстаннан үш адамнан бар. Олардың орта жасы 20-дан аспайды.
Курск облысында тағы 60-тан астам мерзімді әскери қызметші із-түзсіз жоғалып кеткен болуы мүмкін, деп жазады басылым.
Суретте: РФ солдаты Курск жерінде
