USD
КИЕВ. 11 ақпан. Украина өзінің баллистикалық зымыранын майданға салатын күнді жақындатты. Бұл туралы Dialog.az ақпарына сүйенген rast.kz хабарлайды.
Украина зымырандық әлеуетін арттыруды жалғастыруда: Қорғаныс министрлігі жаңа баллистикалық зымырандардың сәтті сынақтан өткенін мәлімдеді. Ведомствоның Twitter-дегі ресми парақшасында «Нептун» зымыран жүйесі түсірілген видео мен 2025 жылға арналған басымдықтар туралы хабарлама жарияланды.
«Ұзақ қашықтыққа ұшатын қару-жарақ – агрессордың әскери әлеуетін азайтудың кілті. 2024 жылы Украина зымыран өндірісін кеңейтті, жаңа баллистикалық және қанатты зымырандарды сынақтан өткізіп, әуе қорғанысын күшейтті. 2025 жылы жоғары дәлдіктегі сұрапыл соққылар мен соңғы зымыранға қарсы қорғаныс жүйесіне назар аудару үрдісі сақталады», – деп хабарлады Украина қорғаныс министрлігі.
Қазіргі уақытта Ресейдің әуе қорғаныс жүйесі негізінен қанатты зымырандармен және ұшқышсыз ұшақтармен күресуге бейімделген, бірақ жерге жоғары жылдамдықпен соққы беретін баллистикалық ракеталарды атып түсіру оған әлдеқайда қиынға түседі. Бұл мұндай зымырандардың Ресейдегі ең қорғанысы күшті әскери, өнеркәсіптік және инфрақұрылымдық нысандарды күйрете беруіне кепілдік бар екенін білдіреді.
Ресей енді тылда да, әскери базаларда да, стратегиялық маңызды зауыттарда да өзін қауіпсіз сезіне алмайды. Украина технологиялық артықшылыққа жетуге ұмтылып жатыр және Кремльді майдан шебінде ғана емес, өз аумағында да қорғануға мәжбүр етуде.
