USD
КИЕВ. 7 маусым. Украина Қарулы күштерінің ұшқышсыз ұшақ жүйелері күштері «Суровикин желісі» деп аталатын қорғаныс шебін құрған ресейлік инженерлік-саперлік полкты отпен көміп тастады. Бұл туралы Dialog.ua ақпарына сүйенген rast.kz хабарлайды.
Украина дрондары Ресейдің басқыншы армиясының жеке құрамын жою үшін тағы бір сәтті операция жасады. 5 маусымда олар Донецк облысының уақытша басып алынған аумағында 51-ші армияның 90-шы жеке инженерлік-саперлік полкінің позицияларын оқтың астында қалдырды. Мұның дерегін Ұшқышсыз жүйесі күштерінің (ҰЖК) командирі Роберт Бровди Facebook желісіндегі өз парақшасында айтты.
Осы полктегі басқыншылар өз армиясының Херсон және Запорожье бағыттарында, сондай-ақ Дон өңірінің Бахмут және Авдеевка аудандарында «Суровикин желісі» деп аталатын қорғаныс құрылымдарын тұрғызған болатын.
Полк жауынгерлік тапсырмаларды орындаумен қатар, мамандарды даярлаумен, жаңа перспективалы оқ-дәрілерді жасап шығарумен және оларды өгдіріске енгізумен айналысады.
Бұған қоса, Бровди 6 маусымға қараған түні украиналық дрондар жүк көліктеріне, логистикаға және басқыншылардың қосалқы станцияларына шабуыл жасағанын айтты. Мариуполь портына дейінгі жау нысандары өртелді.
