USD
УАШИНГТОН. 8 ақпан. АҚШ президенті Дональд Трамп Ресей армиясының Украинамен соғыста 800 мың адамнан асып кеткенін мәлімдеді. Бұл туралы The Moscow News ақпарына сүйенген rast.kz хабарлайды.
Ресейдің Украинаға кең ауқыммен басып кірген басқыншылар армиясы соғыста осы уақытқа дейін 800 мыңнан 900 мыңға дейінгі адам санынан айырылпды. Кезекті баспасөз мәслихатында осыны айтқан Ақ үйдің егесі соғысты «адами тұрғыдан алғанда жан түршігерлік әрекет» деп атап, бұл қантөгісті тоқтатқысы келетінін тағы да айтты. «Қазір болып жатқан нәрсе қорқынышты түс сияқты. Адамдар бекініссіз ашық далада соғысады. Оқтан жалғыз қорғаныш – өз денесі. Мен мына мағынасыз қақтығыстың ақыры жеткенін қалаймын», – деді ол.
Америка лидерінің айтуынша, Украинаның жалпы шығыны шамамен 700 мың адамды құрайды. Дегенмен, Украинаның ресми деректері бұл бағалаумен еш үйлеспейді. Мәселен, 5 ақпанда Украина президенті Володимир Зеленьский соғыстаде 45 100-ге жуық украин әскері қаза тауып, 390 мыңы жараланғанын мәлімдеді. Ашық мәнбелерге сүйенген UALosses жобасы Украина Қарулы күштерінің 2022 жылдың 24 ақпанынан бүгінгі күнге дейін қаза тапқан жауынгерлері санын 63 584 деп есептейді.
2024 жылдың қазан айында Ұлыбритания Қорғаныс министрлігі Ресейдің жалпы шығынын 648 000 адам деп есептеді, оның 200 000-ы қаза тапқан, қалғаны жараланған. Пентагон дәл осы кезеңде осыған ұқсас сандарды келтірді: онда 615 мың ресейлік әскери қызметші қатардан шықса, мұның 115 мыңы қаза тауып, 500 мыңы жараланғаны айтылады.
Өз кезегінде Ресей президенті Владимир Путин 2024 жылдың жазында Ресей армиясының шығынын 135 мың әскери қызметкер деп атады.
