USD
УАШИНГТОН. 6 қыркүйек. АҚШ президенті Дональд Трамп Пентагонды «Соғыс министрлігі» деп атады. Бұл туралы ВВС ақпарына сүйенген rast.kz хабарлайды.
Кеше, 5 қыркүйек, жұма күні Дональд Трамп өзінің 200-ші президенттік жарлығына қол қойды. Осы құжат арқылы ол АҚШ Қорғаныс министрлігін Соғыс министрлігі деп өзгертті.
АҚШ-та Екінші дүниежүзілік соғыстың соңына дейін Қорғаныс министрлігі осылай аталған еді.
Ресми атауды өзгерту, сондай-ақ жаңа министрлік құру үшін Конгресстің қолдауы қажет, сондықтан атауды өзгерту ресми болып саналмайды.
Би-би-си тілшісі танысқан құжат мәтінінен белгілі болғандай, жарлық Қорғаныс министріне, оның ведомостысына және бағыныштыларына жаңа атауды қосымша атау ретінде пайдалануға рұқсат береді.
Жарлыққа сәйкес, Пентагон басшысы Пит Хегсетт енді өз қызметін «Соғыс министрі» деп атай алады.
«Соғыс министрі» атауы тек өзімізді қорғау қабілетіне назар аударатын «Қорғаныс министрлігімен» салыстырғанда, дайындық пен шешімділіктің күшті дабылын бере алады» делінген жарлықта.
