USD
УАШИНГТОН. 23 қазан. Трамп Украина пайдаланатын америкалық алыс қашықтықтағы зымырандарға қойылған шектеулерді алып тастағанын жоққа шығарды. Бұл туралы DW ақпарына сүйенген rast.kz хабарлайды.
АҚШ президенті Дональд Трамп WSJ (Уолл-стрит) мәтбұғатында жарияланған Уашингтонның Киевке алыс қашықтыққа ұшатын зымырандарды пайдалануға рұқсат бергені туралы хабардың шындыққа жанаспайтынын айтты. Ал бұдан бірнеше сағат алдын бұл газет ресми тұлғаларға сілтеме жасай отырып, АҚШ-тың шектеуді алып тастағанын баяндаған еді.
Алайда Украина Қарулы күштері осының қарсаңында қолданған Storm Shadow ракеталарына Уашингтонның ешқандай қатысы жоқ, ал The Wall Street Journal (WSJ) газетінде жарияланған АҚШ-тың Киевке алыс қашықтықтағы ракеталарды қолдануға рұқсат бергені жайлы хабар «фейк» болып шыққан. Президент Дональд Трамп Truth Social әлеуметтік желісінде 22 қазан күні кешке жариялаған жазбасында осы жайында сөз етті.
«Wall Street Journal-дағы АҚШ-тың Украинаға Ресейдің алыс түкпіріндегі аудандарын алысқа атылатын зымырандармен атқылауға пайдалануға рұқсат еткені жалған болып табылады! АҚШ-тың қазір Украинаның атқылап жатқан ракеталарына ешқандай қатысы жоқ», – деді Трамп хабарламасында.
Әңгіме Украина Қарулы күштерінің осының алдында Ресейдің Брянск облысы аумағын ауыр соққыға алғаны жайында болып отыр. Онда Киевтің Лондоннан алған Storm Shadow зымырандарымен Брянскідегі химия зауытын талқандап тастағаны анықталды.
Дегенмен, АҚШ-тың ресми тұлғалары өздерінің Украинаның көбірек шабуылға шығып, Ресейдің аудандарын атқылауы күшейе түскенін қалайтындарын ашықтан ашық білдірді. Мәтбұғаттың мәлімдеуінше, АҚШ шенеуніктері Украинаның Ресейдегі әскери нысандарға Ұлыбританияның 300 км-ден астам қашықтықтағы нысанаға соққы бере алатын Storm Shadow зымырандары арқылы көбірек шабуыл жасайды деп күтуде.
