USD
АСТАНА. 17 қаңтар. Қазақстанда ықпалды күші өте жоғары болған Тимур Құлыбаевтың командасында кімдердің бар екені белгілі болды. Бұл туралы «Экспресс К» хабарлады.
«Әлеуметтік желіде «Атамекен» ұлттық палатасының бұрынғы басшысы Тимур Құлыбаев туралы ақпарат тарады», – делінген хабарламада.
Газет «Тимур және оның командасы» деп аталатын ортаның сипатына тоқталады. Оның өзі 6 топқа бөлінеді. Олар «Атамекен» ұлттық палатасы, Ұлттық Олимпиялық комитет, мұнай-газ және энергетика саласындағы компаниялардың басын біріктіретін «Kazenergy» қауымдастығы, «ҚазМұнайГаз» ұлттық компаниясы, мемлекеттік қызмет, квазимемлекеттік сектор, бизнес деп аталады.
Тимур Құлыбаевқа ең жақын саналатын тұлғалардың арасында «Ақ жол» партиясының жетекшісі, Мәжіліс депутаты Азат Перуашев, «Adal» партиясының төрағасы Серік Сұлтанғали, жемқорлықпен ұсталған Мәдениет және спорт вице-министрі Сәкен Мұсайбеков, жақында Энергетика министрі болып тағайындалған Болат Ақшолақов бар.
Сол сияқты бизнестегі серіктестері арасынан «Қазақстан Халық банкі» басқарма төрайымы Үміт Шаяхметова, ірі кәсіпкер Кеңес Рақышев, елдегі ең бай адамдардың бірі Қайрат Боранбаев ерекшеленеді.
