USD
МЕЛЬБУРН. 26 қаңтар. Қазақстанның үздік теннисшісі Елена Рыбакина бүгін Австралияның ашық чемпионатында жартылай финалдық матчында жеңіске жетті. Бұл туралы Sports.kz хабарлады.
«Елена Рыбакина айқын жеңіске жетіп, Australian Open-2023-тің финалына шықты», – делінген хабарламада.
Қазақстанның бірінші ракеткасының бұл жолғы қарсыласы WTA рейтингісінің 24-ші тармағында тұрған Латвия өкілі Виктория Азаренко болды. Теннисшілер бірінші партияда екі рет бір-бірі берген доптарды қайтаруда үстемдік танытты, айқас өте тартысты өрбіді, ақырында Рыбакина таразы басын өзіне қарай бұрып жіберді – 7:6 (4). Екінші сетте Еленаның басымдығына ешкім шүбә келтіре алмады, сөйтіп, ол есепті 6:3 етіп, финалға шықты.
Рыбакина шешуші шайқаста екінші жартылай финалда өздерінен кейін поляк Магда Линетті (45) ұтқан белорус Арина Соболенкомен (5) ұшырасатын болды.
Айта кету керек, бұл қазақстандық спортшының Australian Open-нің бас жүлдесі үшін бірінші рет талпыныс жасауы болып отыр. Бұған дейін ол «Үлкен шлем» турнирлері арасында өткен жылы Уимблдонда ғана жеңіске жеткен еді.
