USD
ТАРАЗ. 22 наурыз. Тараз қаласында төтенше жағдайдың сақталу тәртібін білу мақсатында 413 ойын-сауық орталығы тексеруден өткізілді. Бұл туралы «Экспресс К» хабарлады.
Мәлім болғанындай, сонда бұлардың жартысына жуығында тәртіп бұзылған екен.
Жамбыл тәртіп сақшыларының Тараз халқының бәрі бірдей өз еріктерімен түнгі серуеннен бас тарта қоймас деген болжамдары дұрыс шықты. Бірақ төтенше жағдай режимінің осыншалықты дәрежеде бұзылып отырғанын олардың өзі болжай қоймаған екен. Түнгі рейд барысында тексерілген 413 мекеменің 176-сында ештеңе болмағандай бұрынғысынша жұмыс қызып тұрған. Ондағы жұрт таң атқанша серуен салған.
«Аталған мекемелердің әкімшіліктерімен «төтенше жағдайдың бұзылған кезінде» қолданылатын баптың тармақтарына қатысты түсіндірме жүргізілді», – деді Жамбыл облыыс полиция департаменті бастығының орынбасары Темірбек Оразымбетов.
