USD
ҚЫЗЫЛОРДА. 19 қыркүйек. Бүгін Қызылорда облысында Дүниежүзілік тазалық күніне орай қоршаған ортаны қорғауға бағытталған экологиялық акция қанат қақты. Бұл туралы Қызылорда облысы әкімі баспасөз қызметінің дерегіне сүйенген rast.kz хабарлайды.
Акцияға Қызылорда облысының әкімі Мұрат Ергешбаев, Құрылтай депутаттары Серік Қожаниязов, Нұркен Бақытбекұлы, Мағжан Ералиев, Ирина Тен, сондай-ақ құқық қорғау органдарының бірінші басшылары, ардагерлер мен зиялы қауым өкілдері, облыстық және қалалық мәслихаттар депутаттары, облыстық басқарма, департамент және инспекция басшылары мен қызметкерлері, еріктілер, эко белсенділер, жастар ұйымдары және студенттер қатысты.
Акцияның мақсаты жұртшылықты ортақ іске жұмылдыру, экологиялық мәдениетті дамыту, қоршаған ортаны қоқыстан тазарту және тұрғындардың өмір сүруіне қолайлы жағдай жасауға бағытталды.
Осыған орай, облыстың барлық елді мекенінде және Қызылорда қаласындағы «Қайсар Арена» стадионында жаппай сенбілік, тал егу шаралары өтті.
«Президентіміздің бастамасымен қолға алынған «Таза Қазақстан» республикалық экологиялық акциясы аясында өңірімізде көркейту-көгалдандыру, абаттандыружұмыстары жүргізілуде. Сыр жұртшылығы жалпыұлттық акцияға алғашқы күннен бастап белсене қатысып, туған өлкеміздің тазалығы мен көркеюіне зор үлес қосып келеді», – деді Мұрат Ергешбаев.
Жыл басынан бері тазалық шараларына 400 мыңнан астам кәсіпкерлер, коммуналдық сала қызметкерлері, еріктілер мен белсенді жастар қатысты.
Өңіріміздің климатына сәйкес келетін 88 мыңнан астам тал мен көшет егілді.
Тазалық әр үйден, әр ауладан, әрбір елді мекеннен басталады.
Шара барысында Құрылтай депутаты Ирина Тен экологиялық жауапкершілікті арттыру және табиғатты қорғау бағытындағы жұмыстардың маңыздылығын атап өтті.
Айта кетейік, облыс бойынша ұйымдастырылған шараларға 12000-ға жуық адам қатысып, 1750-ге жуық тал егілді. Жыл басынан тазалық шараларына 328 800 ерікті, қоғам қайраткерлері, бюджет саласының, кәсіпорындардың қызметкерлері қатысты.8741 тонна қоқыс қалдығы шығарылып, елді мекендердегі 510 сквер мен парк, 256 тарихи-мәдени ескерткіш, 1019 әлеуметтік, 1897 өнеркәсіп және бизнес нысаны, көшелердің бойы тазартылды. Оған 548 техника жұмылдырылды.
