Парижде тұратын қазақ қызы қазаққа тұрмысқа шыққысы келетінін айтты

ПАРИЖ. 2 ақпан. Францияда тұратын қазақ қызы өзге шетелдікке емес, қазақтың қара домалақ баласына тұрмысқа шыққысы келетін мәлімдеді. Бұл туралы Bugin.kz ақпарына сүйенген rast.kz хабарлайды.

Рәбиға есімді бұл бойжеткен «Шет елдегі қазақтар» бағдарламасында өзінің ішкі жан сырын ортаға салды. Ол Париждегі Wittivio компаниясында продукт-менеджер болып жұмыс істейді екен. Өз сөзінде қазақ қызы енді өзіне тең қазақ жігітіне тұрмысқа шығып, бақытты ғұмыр кешкісі келетінін айтты.

«Менің болашақ жарым қазақ болады деп сенемін. Қазақ жігітіне тұрмысқа шығып, қазақ мұрагерлігін, ұлтты жалғастырғым келеді. Себебі, Францияда жүріп, өз елімнің нағыз патриоты екенімді ұқтым. Мен әйел ретінде өзіне сенімді қазақ жігітімен отбасы құрғым келетінін түсіндім», – деді ол ағынан ақтарылып.

Рәбиға өзге елде жүріп, қателесуден қорықпау керегін түсінген екен. Ол әр қателіктен өмірлік сабақ алып, тәжірибе жинағанын айтады.