USD
МӘСКЕУ. 12 шілде. Ресей билігі мұнай эскпортына қатысты талас-тартыстан кейін Қазақстанға жол беруге шешім қабылдады. Бұл туралы Times Moskow News хабарлады.
Кремль мұндай қадамға Қазақстан Президенті Қасым-Жомарт Тоқаев тұйықтан шығудың шұғыл жолын іздеп, америкалықтарға жүгінгісі келгеннен кейін амалсыз барды.
Соның алдында қазақ елінің лидері Санкт-Петербургте өткен экономикалық жиында, Путиннің дәл қасында тұрып, ДХР және ЛХР деген сепаратистік сипаттағы қолдан жасалған құрылымдарды мойындамайтынын мәлімдеген еді.
Тоқаев өзінің Еуроодақпен қарым-қатынасын дамыта түсу жоспары бар екенін айтып, Еуропа елдеріне ресейлік көміртегі орнына Қазақстандыкін алуды ұсынған болатын.
Осыдан кейін Қазақстанның шетелге шығаратын мұнайының 80 пайызын жіберіп тұратын Новроссийскідегі порт Каспий құбыр концерні (КТК) терминалының жұмыс істеуін тоқтатты. Мұны ол сот жолымен шешті. Алайда, оны қайта қараған Краснодар өлкелік соты бұл тыйымды алып тастады.
Алдымен 6 шілде күні терминал 30 күнге тоқтатылды. Мұны Роснадзор қазақстандық КТК-ның экологиялық жағынан тәртіп бұзып отырғанымен байланыстырды.
Бұған жауап ретінде Тоқаев Қазақстан үкіметіне Ресейді айналып өтетін маршруттар табу үшін Теңіз кен орнының ең ірі инвесторлары болып табылатын америкалық Chevron (50%) және ExxonMobil (25%) компанияларын жобаға тарту жөнінде тапсырма берген еді.
Осы әрекет Ресей билігін қалт тоқтатты. Сот Қазақстан тарапының Ространснадзордың экологиялық шағымы 200 мың рубль айып салумен ғана шешілетін нәрсе екенін алға тартқан тұжырымымен келісіп, тыйымды алып тастады.
Қазақстан мұнай өндіру көлемі жағынан әлемде 11-орын алады. Оның мұнайын көбірек сатып алатын елдер қатарында Италия (17,9 млн тонн), Нидерланд (8,2 млн тонн) және Франция (4,5 млн тонн) бар.
