USD
ҚЫЗЫЛОРДА. 9 қаңтар. Қызылордада баланың көзінше оның анасы мен әжесін пышақтап өлтірді деген күдікті қолға түсті. Бұл туралы Stan.kz ақпарына сүйенген rast.kz хабарлайды.
Оқиға 8 қаңтар түнде орын алған. Сол уақытта бір әйел мен оның 34 жастағы қызы пышақ жарақаттарынан қаза тапты. Артынша осы қайғылы жағдай түсірілген видео әлеуметтік желіде тарайды. Сонымен бірге балаға тиесілі болуы мүмкін делінген хат алмасу скриндары да жарияланды. Онда бала досына қатты қорқып отырғанын, анасы мен әжесінің көз алдында өлтірілгенін жазған.
Баланың әжесі мен анасын өлтірген күдікті олардың көршісі болып шықты. Ықтимал қылмыскер көп ұзамай ұсталды. Полицияны оқиға орнына көршілері шақырып үлгеріпті.
Кісі өлтіру бабы бойынша қылмыстық іс қозғалды.
Күдікті уақытша ұстау оқшаулағышына қамалды.
