USD
ҚЫЗЫЛОРДА. 20 маусым. Қызылорда облысының полиция департаментінде 40-тан астам қызметтік династия қызмет етеді. Бұл туралы Polisia.kz ақпарына сүйенген rast.kz хабарлайды.
Қызылорда облысының полиция департаментінде мамандыққа адалдық танытып, қоғам тыныштығы жолында күннің ыстық-суығына қарамастан еңбек етіп, қашанда темірдей тәртіпке бағынатын 40-тан астам полицейлер династиясы бар. Мұнда атадан – әкеге, әкеден ұлға жоғары адамгершілік құндылықтар, өзгелер үшін өзін құрбан ету қабілеті берілген.
Аталмыш шоғырды Мұхтаровтар, Отарбаевтар, Байкенжиевтер, Нұрбаевтар, Анафиндер, Қоразбаевтар, Ағыбаевтар, Жартеновтер, Ахметовтер, Сүлейменовтер, Бисенбаевтар, Бөгенбаевтар, Беркімбаевтар, Жауеновтер, Әзірбек, Сайдильдиновтер, Бексеитовтер, Багисовтар, Искаковтар, Әлиевтер, Саламатовтар, Калменовтер, Ахметкалиевтер, Қоңқабаевтар, Аймахановтар, Садықовтар, Пірімбетовтер, Өксікбаевтар, Райхановтар, Серікбаевтар және тағы да бірнеше буынға жалғасқан үлгілі полицейлер династиялары құрайды.
Әулеттер ішінде ішкі істер саласында қызмет атқара жүріп отбасын құрғандар жетерлік. Солардың бірі – Жаңақорған ауданы полиция бөлімінде- полиция капитаны Жандарбеков Мейржан және Айтолқын Мейрамбекқызының отбасы. Қазір олар қоғамдық тәртіп пен қауіпсіздікті сақтау сапында қызмет өткеріп жүр, әрі екі ұл мен 1 қыз тәрбиелеп отырған бақытты жандар.
