USD
Жапония денсаулық сақтау министрлігі Қытайдан тарап жатқан белгісіз вирусты өз елінде тұратын бір адамның жұқтырып келгенін растады. Бұл туралы Kyodo News агенттігінің мәліметіне сүйенген rast.kz хабарлады.
Агенттіктің хабарлауынша, Жапонияда тұратын 30 жастағы Қытай тумасы желтоқсан айында өз елінің Ухань қаласына барғанда белгісіз бір вирусты жұқтырып алған. Ол осының салдарынан демікпе шақыратын пневмониямен ауырған. Бұл жапон жерінде болып жатқан бірінші оқиға екен.
Токионың оңтүстігінде орналасқан Канагава префектурасының тұрғыны 3 қаңтар күні Уханьда жүргенінде өзіне ауа жетпейтінін байқаған. Үш күннен кейін Жапонияға қайтып оралған. Ал 10 қаңтарда жөтелі күшейіп, қызуы көтеріліп ауруханаға түскен. 15 қаңтар күні емделіп шыққан. Жігіттің туыстарынан ешкім ауырмапты.
