USD
АСТАНА. 28 сәуір. Қазақстанның жоғары білім саласында миллиардтаған артық шығындар жұмсалғаны анықталып отыр. Бұл туралы Orda.kz ақпарына сүйенген rast.kz хабарлайды.
Атап айтқанда, республикада 2022–2024 жылдары оқудан шығып кеткен 24 мың студент үшін бюджеттен 19,6 млрд теңге қарастырылған. Бірақ соның ішінде 10 мың студенттің пайдаланған грант қаражаты жөнінде ешқандай дереке жоқ.
Қазақстан Республикасының Жоғары аудиторлық палатасының мүшесі Тілеген Каскин осының жайын ашып айтып берді.
«Сонымен қатар, оқудан шығарылған студенттер бойынша қаражатты толық қайтару тетігі қарастырылмаған. Бұдан бөлек, магистратураға түсіп, кейін оқудан шығу арқылы міндетті өтеуден жалтару сызбасы да жұмыс істейді. Тек осы санат бойынша ғана болжамды залал 10,8 млрд теңгеге бағаланып отыр», – деді Каскин.
Тек осы сызба бойынша болжамды шығын 10,8 млрд теңгеге бағаланады.
Тағы бір мәселе жұмыспен қамтуды формалды есепке алудан туындайды. Шамамен 1,5 мың түлек «жұмыс іздеуші» мәртебесінде тіркелген, бұл формалды түрде міндеттемені орындау болып есептелгенімен, іс жүзінде экономикаға маман бермейді.
Инфрақұрылым мәселелері де өзекті күйінде қалып қойған. 2024–2025 оқу жылына жатақхана орындарының тапшылығы 10 мыңнан асты. Ал Білім министрлігі мен оператор деректері арасындағы айырмашылық 31 мың орынды көрсетеді.
Студенттерді жатақханамен қамтамасыз ету деңгейі де бұрынғы 70% межеден де төменге кетіп қалған. Атап айтқанда, Л.Н.Гумилев атындағы Еуразия ұлттық университетінде бұл көрсеткіш 51,7%-ды, ал әл-Фараби атындағы Қазақ ұлттық университеті-де 56,7%-ды құрайды.
