USD
АСТАНА. 1 шілде. Қазақстанда жұртшылықтың көптен бергі талап-тілегі қабыл алынып, әйелдердің бет-жүздерін бүркемелеп жүрулеріне тыйым салынды. Бұл туралы Oxy.az ақпарына сүйенген rast.kz хабарлайды.
Тыйымның никаб киюге де қатысы бар. Тек жұмысқа немесе медициналық себептерге байланысты бетті жабатын киімдерге бұл үкім жүрмейді.
30 маусым, дүйсенбі күні Қазақстан Президенті Қасым-Жомарт Тоқаев қоғамдық орындарда адамды тануды қиындататын киім киюге тыйым салатын заңға қол қойды. Тыйым мұсылман әйелдердің бетін жауып, көздерін ғана ашық қалдырып қоятын тар саңылаулары бар бас киімдері – никаб киюге де қатысты болады.
Заң мәтініне сәйкес, бұл талап адамдардың қызметтік міндеттерін орындауларына, медициналық себептерге байланысты жағдайларда, қолайсыз ауа райы ахуалына қорғану, азаматтық қорғаныс мақсатында, спорттық және мәдени іс-шараларға қатысу кезінде беттерін жабулары сәттеріне қарай орындалмайды.
«Бұған дейін президент Тоқаев бетті жабудың орнына ұлттық бірегейлікті көрсететін киім киюді жақтаған», деп түсіндіреді Курсив басылымы.
Бірқатар ЕО елдерінде, атап айтқанда, Францияда, Данияда, Нидерландта, сондай-ақ бірқатар басқа елдерде, мысалы, Шри-Ланкада қоғамдық орындарда бетті жасыратын діни киім – никаб пен паранжа киюге тыйым салынған. Қаңтар айында Қырғызстанда никаб киюге тыйым салатын заң қабылданды. Бұған дейін Өзбекстан мен Тәжікстанда никаб киюге тыйым салынған болатын.
