USD
МӘСКЕУ. 11 қазан. Ресей президенті Владимир Путин ядролық қару жасау жолында жаһандық жарыстың басталып кеткенін жариялады. Бұл туралы DW ақпарына сүйенген rast.kz хабарлайды.
Кремль диктаторы бірқатар елдердің өз ядролық арсеналдарын ұлғайтып жатқанын, Ресейдің жаңа қару-жарақ жасап шығарғанын мәлімдеді.
«Жаһандық ядролық қару жасау жарысы қазірдің өзінде жүріп жатыр», деп баяндады Ресей президенті. «Менің ойымша, шынын айтқанда, белгілі бір жарыс жүріп жатыр», – деді Путин 10 қазанда Тәжікстанға сапарының қорытындысы бойынша баспасөз мәслихатында.
Ол Ресейдің жақын арада жаңа қару-жарақ жасап шығарғанын жария етуі мүмкін екенін айтты. «Менің ойымша, жақын арада біз бұрын жариялаған жаңа қару-жарақтарды жариялау мүмкіндігіне ие боламыз. Олар әзірленуде, біз оларды сынап жатырмыз. Олар сәтті жалғасуда», – деді диктатор.
Путиннің айтуынша, АҚШ стратегиялық қару-жарақтарды қысқарту туралы келісімді (START, START-3) ұзартудан бас тартса, бұл Ресей үшін шешуші жайт болмайды. Ресей президенті қазіргі уақытта Ресейдің ядролық тежеу әлеуеті әлемнің кез келген жерінен жоғары екенін атап өтті.
