USD
АСТАНА. 13 маусым. Президент Қасым-Жомарт Тоқаев басшылардың өз қарауына қызметке туыстарын алуларының жолын кесті. Бұл туралы Orda.kz ақпарына сүйенген rast.kz хабарлайды.
Мемлекет басшысы сыбайлас жемқорлыққа қарсы заңнамаға енгізілген өзгерістерге қол қойды.
Енді пара алу мен беру үшін ғана емес, сонымен қатар пара беруге уәде ету, оны ұсыну немесе бопсалау әрекеттері үшін де қылмыстық жауапкершілік қарастырылған.
Жеке тұлғаларға қатысты әкімшілік сыбайлас жемқорлық құқық бұзушылықтары бойынша талап қою мерзімі бір жылдан үш жылға дейін ұзартылды.
Мемлекеттік қызметшілерге қызметтік өкілеттіктерін жеке мақсаттарына пайдалануға тыйым салынды. Сонымен қатар, сыбайлас жемқорлыққа қарсы шектеу қолданылатын адамдардың тізімі кеңейтілді.
Сондай-ақ туыстық байланыстарға қатысты жаңа ережелер енгізілді: бұдан былай бір мемлекеттік органда басшының жиендері, жезделері, бажалары, қайын інілері және күйеу балалары бірге жұмыс істей алмайды.
