USD
УАШИНГТОН. 15 ақпан. Барак Обама Трамптің өзі мен әйелі Мишельді маймыл етіп бейнелейтін видеосына қатысты алғаш реті өз ойын ортаға салды. Бұл туралы DW ақпарына сүйенген rast.kz хабарлайды.
Бұдан бұрын АҚШ президенті Дональд Трамп әлеуметтік желіге бұрынғы Барак Обама мен оның әйелі Мишельді маймыл етіп көрсететін видео жариялаған болатын.
АҚШ-тың бұрынғы президенті Барак Обама қазіргі президент Дональд Трамптың әлеуметтік желілерде өзі мен әйелі Мишель екеуін маймыл түрінде бейнелейтін видео жариялауына қатысты алғаш рет пікір білдірді. Бұрынғы президентпен әңгімені америкалық блогер Брайан Тайлер Коэн 14 ақпан, сенбі күні жариялады.
Сұхбат беруші Обамадан АҚШ-тағы саяси дискурстың төмендеуі туралы сұрап, Трамптың «фотосуретті маймылдың денесіне жапсыруын» мысалға келтірді. «Менің ойымша, америкалықтардың көпшілігінің бұл ерсі әрекетті айыптап отырғаны маңызды. Мұның назар аудартатыны рас. Бұл алаңдататыны рас. Бірақ сіз елді аралап жүрген кезде әлі де әдептілікке, сыпайылыққа және мейірімділікке сенетін адамдармен бар еді». – деп жауап берді Обама.
Демократ өзінің атқаратын лауазымына деген құрмет сезімін жоғалтқанын мәлімдеді.
«Әлеуметтік желілер мен теледидарда бір түрлі сайқымазақ шоуы көрсетіліп жатыр. Шындығында, бір кездері әдептілік, такт және лауазымға құрмет көрсетудің белгілі бір ережелерін сақтауға сенгендерде ұят жоқ сияқты. Мұның бәрі жоғалып кетті», – деп жалғастырды бұрынғы президент.
Ол Америка азаматтарының көпшілігі мұны мақұлдамайды және «сайып келгенде, жауап америкалықтардың өздерінен келеді» деп санайды. «Біз мұны Миннесотада көрдік», – деді Обама Миннеаполистегі наразылықтарға сілтеме жасай отырып.
6 ақпан түні Трамптың TruthSocial аккаунтында Барак пен Мишель Обаманы маймылдар ретінде бейнелейтін бейне пайда болды. Бұл әрекет республикашыл президентке қарсы сын мен нәсілшілдік айыптауларының толқынын тудырды.
Лекін Трамп бұл жазба үшін кешірім сұраудан бас тартты. Әйтсе де, видеоның нәсілшілдік мазмұнын айыптайтыны туралы сұраққа оң жауап берді.
Президент әкімшілігі бастапқыда көпшілікті тыныштандыруға тырысып, адамдарды «жалған наразылық білдірмеуге» шақырды. Ақ үйдің баспасөз хатшысы Кэролайн Ливитт бұл видеоның Трампты джунгли патшасы, ал демократтарды «Арыстан патшаның» кейіпкерлері ретінде бейнелейтін интернет-мемнен үзінді екенін мәлімдеді.
Жарияланым бірнеше сағаттан кейін жойылды. Соңынан оның жарыққа шығып кетуіне Ақ үй қызметкері айыпты саналды, шамасы, қателесіп салып жіберген сияқты.
