USD
УАШИНГТОН. 29 қазан. НАТО жаңа PURL бағдарламасы бойынша Украинаға құны 15 миллиард долларлық Америка қаруларын жіберуі мүмкін. Бұл туралы DW ақпарына сүйенген rast.kz хабарлайды.
АҚШ-тың НАТО-дағы тұрақты өкілі Мэтью Уитакер бұл жеткізілімдердің ақшасын Уашингтонның одақтастары төлейтінін айтты.
НАТО елдері PURL бағдарламасы бойынша Украинаға қару сатып алуға биыл шамамен 2 миллиард доллар, ал 2026 жылы 12-15 миллиард доллар бөлуі ғажап емес. АҚШ-тың НАТО-дағы тұрақты өкілі Мэтью Уитакер бұл туралы 28 қазан, сейсенбі күні Bloomberg Television арнасына берген сұхбатында мәлімдеді.
«Алдағы бірнеше айда шамамен 2 миллиард доллар немесе одан да көп қаражат бөлінеді. Біз оның жақын арада келіп түсетініне үміттенеміз», – деді Уитакер PURL бағдарламасы туралы.
«Ал сосын 2026 жылға кірген бойымызда тұрақтылық біз үшін негізгі мәселе болады, бұл үшін Украинаға қару-жарақ сатып алып беруге 12-15 млрд қажет болады», – дегенді қосты АҚШ-тың НАТО-дағы тұрақты өкілі.
«Содан кейін, 2026 жылға кіргеннен бастап ең бастысы – тұрақтылық, сондықтан Украинаны қорғау үшін сапалы қару-жарақтар сатып алуға қажетті 12-15 миллиард доллар керек болады», – деп қосты АҚШ-тың НАТО-дағы тұрақты өкілі.
НАТО мен президент Дональд Трамп арасында келісілгендей, Украинаға басымдық берілген талаптар тізімі 2025 жылдың шілдесінен бастап күшінде тұр. Осы бағдарлама бойынша альянс мүшелері мен серіктестері Киев жасаған тізімге сүйене отырып, АҚШ-тан Украинаға қару-жарақ сатып алады және оның ақысын төлейді.
17 қыркүйекте Володимир Зеленський Украинаның PURL бағдарламасы бойынша 2 миллиард доллардан астам қаражат алғанын және жыл соңына дейін тағы 3-3,5 миллиард доллар алуға үміттенетінін мәлімдеді. Бұл қаражат, басқалармен қатар, Patriot әуе қорғаныс жүйесі мен HIMARS көп атылатын жүйесіне арналған зымырандарды сатып алуға жұмсалады.
