USD
МӘСКЕУ. 24 желтоқсан. Мәскеуде бір көлікте жарылыс орын алып, екі полицейді өзімен бірге ала кетті. Бұл туралы Delfi.lat ақпарына сүйенген rast.kz хабарлайды.
Жарылыс РФ байтағының оңтүстігіндегі полиция учаскесінде болды.
«Мәскеуде 24 желтоқсан, сәрсенбіге қараған түні орын алған жарылыс салдарынан күдікті адамды ұстамақшы болған екі полицей қаза тапты», – деп баяндады Ресей тергеу комитеті.
Жарылыс дүйсенбі күні Ресей Қорғаныс министрлігі бас штабы жедел дайындық басқармасының бастығы, генерал-лейтенант Фанил Сарваровтың көзі жойылған нүктеге жақын жерде қайталанды.
Инцидент жергілікті уақыт бойынша сағат 01:30 шамасында тіркелді.
Тергеу комитеті хабарлағандай, полицейлер өздерінің патрульді автомобильдерімен күдікті ер кісімен қапталдаса бергенде, ол жарылғыш қондырғыны іске қосып жіберген.
Нәтижесінде жарылыстың жолын ашып берген ер кісінің өзі де сол жерде қаза тапқан. Құқық қорғау органдарына жақын «Baza» telegram-каналы хабарлағандай, бұл үшеуден бөлек, тағы екі полицей жарылыс кезінде жарақат алып, ауыр хәлде ауруханаларға жеткізілген.
«Baza» сондай-ақ жарылғыш қондырғының полицейлер көлігінің астыңғы жағына қойылғанын растайды.
