USD
ЛОЗАННА. 11 маусым. Халықаралық Шахмат федерациясының (ФИДЕ) кеңесі Ресей шахмат федерациясының (РШФ) мүшелігін уақытша тоқтатты. Бұл туралы The Moscow Times ақпарына сүйенген rast.kz хабарлайды.
Халықаралық Шахмат федерациясы кеңесінің Ресей шахмат федерациясының мүшелігін тоқтата тұру туралы шешімі Мәскеудің Спорттық арбитраж сотының (CAS) қаулысын орындамауына байланысты қабылданды.
Дегенмен, Ресей Федерациясының шахматшылары алдағы турнирлерден шеттетілмейді.
ФИДЕ кеңесі РШФ-ның мүшелігін уақытша тоқтатты. Мұның жай-жапсарын 10 маусым, сәрсенбі күні ФИДЕ-нің баспасөз қызметі баяндады. Шешім Мәскеудің Спорттық арбитраж сотының талаптарын белгіленген мерзімде орындамауына байланысты шықты. Енді ФИДЕ мүшелігі 10 маусымнан бастап үш жылға немесе CAS қаулысы орындалғанға дейін тоқтатылды.
Спорттық арбитраж соты биылғы 11 наурызда Ресей Федерациясына 90 күн ішінде шахмат қызметін реттеуді және өз әскерлері оккупациялап алған аймақтарда – Симфереполь пен Севастопольде, Луганск мен Донецкіде, Херсон мен Запорожьеде іс-шаралар ұйымдастыруды тоқтатуды бұйырды. Ал осы шарттың орындалғанын растау қағазы өз уақытында ФИДЕ мәнзіліне жіберілуі тиіс-тін.
Ресей Федерациясының шахматшылары ФИДЕ турнирлеріне қатысу құқығын сақтайды.
Кеңес бекіткеннен кейін уақытша шығарып тастау үдерісі дереу күшіне енеді. Алайда қаулы ФИДЕ Бас Ассамблеясының жақын арадағы сессиясында қаралуы керек. Егер Бас Ассамблея оны мақұлдаса, ол түпкілікті шешімге айналады.
