USD
БЕЛГРАД. 21 маусым. Сербия УЕФА алдына ультиматум қойды, егер мәселе оң шешілмесе, өз құрамасын Еуропа чемпионатынан шығарып алатынын мәлімдеді. Бұл туралы Daily Mail ақпарына сүйенген rast.kz хабарлайды.
Сербия футбол одағы өз құрамасын Еуропа чемпионатынан алып тастауы мүмкін екенін жоққа шығармайды.
Қазір Германияда өтіп жатқан құрлық біріншілігінде осындай жанжал туып кету ықтималдығы жоғары.
Егер УЕФА Сербия футбол одағы алға тартып отырған талаптарға жауап бермесе, солай болуы кәдік. Daily Mail хабарлағандай, серб тарапы жанкүйерлері трибунадан «Сербті өлтір» деп айқайлаған Хорватия мен Албания құрамаларын жазаға тартуды талап етіп отыр.
«Бұл – нағыз жанжалды жағдай, біз мұның алдағы уақыттарда әйтеуір бір қайталанғанын қаламаймыз», – деді одақ бас хатшысы Йован Шурбатович.
Оның айтуынша, Сербия УЕФА-дан аталған терме жамағаттарға барынша қатқыл жаза қолдануды талап етіп отыр. Мұндай санкцияның қабылданатынына да күмән келтірмейді.
Осы ретте УЕФА-ның президенті словен ұлтының өкілі Александер Чеверин екенін еске сала кетейік.
